Գեղարքունիքում տղամարդուն դանակահարել է կրտսեր եղբայրը

Երեկ արտառոց դեպք է տեղի ունեցել Գեղարքունիքի մարզում։ Sputnik Արմենիայի տեղեկություններով` Գավառում ապրող 40-ամյա մի տղամարդ բազմաթիվ ծակած-կտրած վնասվածքներով տեղափոխվել է Գավառի հիվանդանոց։ Վնասվածքները եղել են մարմնի տարբեր մասերին, այդ թվում` կրծքավանդակին ու որովայնին։

Բժիշկներին հաջողվել է փրկել նրա կյանքը։

Ըստ Գավառում շրջանառվող որոշ տեղեկությունների` 40-ամյա տղամարդուն դանակի մի քանի հարվածներ է հասցրել նրա կրտսեր եղբայրը։

Լրատվականի տեղեկություններով` Գավառի ոստիկանները հայտնաբերել են 36-ամյա տղամարդուն և այժմ պարզում են նրանց միջև տեղի ունեցածի պատճառներն ու մանրամասները։