Նոր սկանդալ. ՊՎԾ ղեկավարը մեկ օրվա մեջ երկու նկատողություն է տվել օգնականին ու ազատել պաշտոնից

Նոր սկանդալ է հասունանում պետական վերահսկողության ծառայության շուրշ: «Փաստինֆո»-ի տեղեկություններով` ՊՎԾ ղեկավարը մեկ օրվա մեջ երկու անգամ կարգապահական տույժ է կիրառել իր օգնականի նկատմամբ` նպատակ ունենալով նրան ազատել աշխատանքից: Այսպես` հոկտեմբերի 7-ի թիվ 161-Ա հրամանով նախ հայտարարել է նկատողություն, ապա նույն օրվա մեկ այլ` թիվ 162-Ա հրամանով՝ խիստ նկատողություն, իսկ հաջորդ օրը` հոկտեմբերի 8-ի թիվ 164-Ա հրամանով ազատել աշխատանքից: 

Օգնականը դիմել է դատարան ընդդեմ նախկին ղեկավարի` պահանջելով վերացնել իր նկատմամբ կարգապահական տույժ կիրառելու, ապա նաեւ աշխատանքից ազատելու մասին հրամանները, վերականգնել իրեն նախկին աշխատանքում եւ փոխհատուցել հարկադիր պարապուրդի ամբողջ ժամանակահատվածի համար: