Բժշկական պաշտպանիչ դիմակների համաշխարհային պաշարները սպառվել են. ԱՀԿ

Առողջապահության համաշխարհային կազմակերպություն ղեկավար Թեդրոս Ադանոմ Գեբրեիսուսը հայտնել է, որ բժշկական պաշտպանիչ դիմակների՝ առաջիկա 4–6 ամսվա պաշաները սպառվել են: Պաշտոնյան ընդգծել է, որ Չինաստանում կորոնավիրուսի համաճարակի ֆոնին դիմակների պահանջարկն ավելացել է հարյուր անգամ, ինչի հետևանքով դրանց գինը քսան անգամ բարձրացել է:

Առողջապահության համաշխարհային կազմակերպության ղեկավարը նշել է, որ անձնական պաշտպանության միջոցները նախևառաջ անհրաժեշտ են հիվանդներին, նրանց խնամողներին ու բուժանձնակազմին: Նա դիմել է վարակի ցածր մակարդակ ունեցող երկրներին՝ կոչ անելով չկուտակել դիմակները: