Սերգեյ Լավրովը հանդիպել է ԱՊՀ երկրների դեսպանների հետ

Ռուսաստանի արտաքին գործերի նախարար Սերգեյ Լավրովն ԱՊՀ մասնակից պետությունների արտակարգ և լիազոր դեսպանների հետ հանդիպմանը քննարկել է միավորման երկրների միջև փոխգործակցության ընդլայնմանը վերաբերող հարցեր:

«Հանդիպման ընթացքում ամփոփվել են 2019 թվականին առևտրատնտեսական և հումանիտար, ավտանգության ապահովման ոլորտներում իրականացված աշխատանքի արդյունքները, արծարծվել են միջազգային ասպարեզում ԱՊՀ երկրների դիրքերի ամրապնդմանը վերաբերող հարցեր: Հստակեցվել են հետագա քայլերը՝ բազմակողմ փոխգործակցության ուղղությամբ»,- ասված է ՌԴ ԱԳՆ-ի մամուլի ծառայության հաղորդագրության մեջ:

Բացի այդ, հանդիպման մասնակիցները մտքեր են փոխանակել միջազգային և տարածաշրջանային խնդիրների շուրջ: