Ամուլսարի հանքի շահագործման խնդրի լուծման բանաձևը քրեական գործի օբյեկտիվ ընթացքն է և օբյեկտիվ հանգուցալուծումը

Ամուլսարի հանքի շահագործման խնդրի լուծման բանաձևը քրեական գործի օբյեկտիվ ընթացքն է և օբյեկտիվ հանգուցալուծումը։ Այս մասին այսօր առցանց մամուլի ասուլիսին հայտարարեց վարչապետ Նիկոլ Փաշինյանը։

«Մենք հույս ունեինք, որ Ամուլսարի հետ կապված քրեական գործը հիմա արդեն հանգուցալուծման հասած կլինի կամ գոնե առաջիկայում, բայց կորոնավիրուսն այդտեղ էլ իր բացասական դերը կատարեց, որովհետև «ԷԼԱՐԴ»-ի փորձագետները պետք է գաին, շատ կարևոր հարցաքննության մասնակցելու համար՝ այս ընթացքում բազմաթիվ կուտակված հարցերին պատասխանելու, բայց կորոնավիրուսի պատճառով նրանք չկարողացան ժամանել»,- ասաց Նիկոլ Փաշինյանը։