Վիճաբանություն ռեստորանի մոտ. ոստիկանները հայտնաբերել են դանակահարողին

Մայիսի 26-ին` ժամը 04:40-ին, հիվանդանոցից ոստիկանության Կենտրոնական բաժին հաղորդում էր ստացվել, որ ծակած-կտրած, արնահոսող վերքերով բուժօգնության է դիմել 24-ամյա երիտասարդ և հայտնել, որ վնասվածքները ստացել է Արտաշատի խճուղու ռեստորաններից մեկի մոտ:

Նախապատրաստված նյութերն ուղարկվել էին ոստիկանության Մասիսի բաժին:
Մասիսի բաժնում ստացված օպերատիվ տվյալներն իրացնելով՝ նույն օրը, ժամը 11.10-ին, Երևան քաղաքի Աղասու փողոցից բերման է ենթարկվել 22-ամյա մի երիտասարդ: Նա տվել է խոստովանական բացատրություն, որ ռեստորանի բակում կենցաղային հարցի շուրջ ծագած վիճաբանության ժամանակ դանակով հարվածներ է հասցրել 24-ամյա երիտասարդին:
Ձեռնարկվում են միջոցառումներ՝ հանցագործության գործիք դանակը հայտնաբերելու ուղղությամբ:
Նյութերի նախապատրաստումը շարունակվում է: