Խոշոր ավտովթար Տավուշի մարզում

Տավուշի մարզում երեկ՝ ժամը 22:10-ի սահմաններում տեղի է ունեցել ավտովթար:  Իջևանի բնակիչ, 31-ամյա Հարություն Խ.-ն իր վարած ВАЗ 2107 մակնիշի ավտոմեքենայով Երևան-Իջևան ավտոճանապարհի 123-րդ կմ հավածում, Իջևան քաղաքի Եղնիկի արձանի մոտ, դեռևս անհայտ հանգամանքներում, դուրս է եկել ճանապարհի երթևեկելի գոտուց և գլխիվայր շրջվելով՝ հայտնվել ձորում, հայտնում է Shamshyan.com-ը: 

Վթարի հետևանքով ուղևոր, Իջևաի բնակիչ, 30-ամյա Գրիգոր Մ.-ն մարմնական վնասվածքներով տեղափոխվել է «Իջևան» բժշկական կենտրոն: Դեպքի վայր են ժամանել ճանապարհային ոստիկանության 2-րդ սպայական գումարտակի 4-րդ վաշտի 1-ին դասակի ծառայողները՝ վաշտի հրամանատար Էդգար Սուսլիյանի գլխավորությամբ: Փաստի առթիվ նույն վաշտի հետաքննիչի կողմից նյութեր են նախապատրաստվում: