Երևանում 28-ամյա վարորդը վրաերթի է ենթարկել 60-ամյա տատիկին ու նրա 6-ամյա թոռնուհուն

Ճանապարհային ոստիկանության ճանապարհատրանսպորտային պատահարների գործերով հետաքննության և վարչական վարույթի իրականացման բաժանմունքում նյութեր են նախապատրաստվում օգոստոսի 24-ին Երևանում տեղի ունեցած 2 քաղաքացու վրաերթի փաստով: Այդ մասին հայտնում է shamshyan.com-ը:

Ըստ աղբյուրի՝ այդ օրը՝ ժամը 21:00-ի սահմանում, Արմավիրի մարզի բնակիչ, 28-ամյա Խաչատուր Կ.-ն իր վարած «Օպել» մակնիշի ավտոմեքենայով Գարեգին Նժդեհ և Մանթաշյան փողոցների խաչմերուկում վրաերթի է ենթարկել հետիոտներ, Երևանի բնակիչ 6-ամյա Ալեն Գ.-ին և 60-ամյա Էլմիրա Դ.-ին:

Վրաերթի ենթարկվածներից Ալեն Գ․-ն տեղափոխվել է «Սուրբ Աստվածամայր» բժշկական կենտրոն, իսկ Էլմիրա Դ.-ն «Շենգավիթ» բժշկական կենտրոն:

Աղբյուրը նաև հայտնում է, որ վրաերթի ենթարկվածները տատ ու թոռ են: