Արարատ Միրզոյանը երկօրյա այցով կմեկնի Մոսկվա

ՀՀ Ազգային ժողովի նախագահ Արարատ Միրզոյանը մայիսի 16-18-ը պաշտոնական այցով կմեկնի Մոսկվա: Տեղեկությունը հայտնում է ՌԴ արտգործնախարարությունը։ 
«Ռուսաստանի և Հայաստանի միջխորհրդարանական կապերը զարգանում են։ Ռուսաստանի Դաշնության Դաշնային ժողովի պատվիրակությունն ապրիլի 24-ին Երևանում ներկա է եղել Առաջին համաշխարհային պատերազմի տարիներին հայ բնակչության ցեղասպանությանը նվիրված հիշատակի միջոցառումներին։ Մայիսի 16-18-ը նախատեսված է Հայաստանի Հանրապետության Ազգային ժողովի նախագահ Արարատ Միրզոյանի պաշտոնական այցը Մոսկվա», - ասված է հաղորդագրության մեջ։ 
Հիշեցնենք, որ այսօր Հայաստան է գալու ՌԴ արտգործնախարար Սերգեյ Լավրովը։