Վլադիմիր Պուտինը՝ Ուկրաինայում ռազմական ենթակառուցվածքների ոչնչացման աշխատանքների ավարտվման մասին

Ուկրաինայում ռազմական ենթակառուցվածքների ոչնչացման աշխատանքները գրեթե ավարտված են: Այս մասին հայտարարել է ՌԴ նախագահ Վլադիմիր Պուտինը: 

«Առաջինը, ինչ արեցինք. ոչնչացրեցինք ամբողջ ռազմական ենթակառուցվածքը։ Դե, ոչ՝ ամբողջ, բայց՝ մասամբ, հիմնականում զենքով, զինամթերքով պահեստները, ավիացիան, ՀՕՊ համակարգերը։ ՀՕՊ համակարգերը, դրանց վերացման համար որոշակի ժամանակ է պահանջվում. դրանք պետք է բացել, հետո խոցել: Այդ աշխատանքը գրեթե ավարտված է»,- հայտարարել է Պուտինը: 

Նա նաև տեղեկացրել է, որ ռուսական իշխանությունները չեն պատրաստվում արտակարգ դրություն մտցնել երկրում: 

Ռուսական ավիաընկերության կին ծառայողների հետ հանդիպման ընթացքում Վլադիմիր Պուտինը նաև տեղեկացրել է, որ Ուկրաինայում փողոցում վերցնում և գնդակահարում են այն մարդկանց, որոնք կարծիք են հայտնում՝ Կիևի դիրքորոշմանը չհամընկնող: 

«Մեզ մոտ մարդիկ հանգիստ արտահայտում են իրենց կարծիքը, թե ինչն է իրենց դուր գալիս կամ դուր չի գալիս Ուկրաինայում մեր գործողությունների վերաբերյալ»,- հայտարարել է Պուտինը՝ հավելելով, որ Ուկրաինայում նրանց, որոնք արտահայտում են իրենց դիրքորոշումը, ինչպես Ռուսաստանում հասարակության լիբերալ ներկայացուցիչները, առկա տվյալների համաձայն՝ գնդակահարվում են: