Ավտովթար-հրդեհ՝ Լոռու մարզում․ դուրս է եկել երթևեկելի գոտուց և բախվել արգելապատնեշին

Այսօր, ապրիլի 18-ին, ավտովթար-հրդեհ է տեղի ունեցել Լոռու մարզում։ Ժամը 04։00-ի սահմաններում 29-ամյա Ա․Կ․-ն իր վարած Nissan Tida մակնիշի ավտոմեքենայով Ալավերդի-Վանաձոր ավտոճանապարհի 7-րդ կմ հատվածում, Քոբայր վարչական շրջանի տարածքում դուրս է եկել երթևեկելի գոտուց և բախվել ճամփեզրի բետոնե արգելապատնեշին։  

[12532e6524cbd3731213e7a597952e6f.jpg]

Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայում հրդեհ է բռնկվել։ Հրշեջ-փրկարարները մարել են ավտոմեքենայում առաջացած հրդեհը։ Ըստ նախնական տեղեկությունների, բարեբախտաբար, տուժածներ չկան։

[37d694c5c809376ef517ebe68e93a4ee.jpg]

Ֆոտոլրագրողը հայտնում է, որ եթե բետոնը պաշտպանիչ արգելապատնեշը չլիներ, ավտոմեքենան մի քանի 100 մետր գահավիժելու էր անդունդը։

[c29b99758cf91dc88a12f095365aceda.jpg]

Փաստի առթիվ Պարեկային ծառայության Լոռու մարզի պարեկային գումարտակում նյութեր են նախապատրաստվում։