96-ամյա Եղիսաբեթ Երկրորդը իր պարտականությունների մի մասը փոխանցում է արքայազն Չարլզին

Եղիսաբեթ Երկրորդը իր պարտականությունների մի մասը փոխանցում է արքայազն Չարլզին, հայտնում է The Sunday Times-ը։ 

Պարբերականը նման եզրակացության է հանգել այն բանից հետո, երբ Բուքինգհեմյան պալատի կողմից հրապարակված միապետի պաշտոնական պարտականությունների ցանկում, ավելի քան մեկ տասնամյակի ընթացքում առաջին անգամ, էական փոփոխություններ են կատարվել. 

Այս տարի արքայազն Չարլզը մոր փոխարեն ներկա է եղել միջոցառումների, որոնք ավանդաբար պահանջում են միապետի մասնակցությունը և սովորաբար եղել են Եղիսաբեթ II-ի ժամանակացույցում: 

Այս տարի Եղիսաբեթ II-ը դարձավ 96 տարեկան, Չարլզն այժմ 73 տարեկան է։  Հունիսին նշվեց թագուհու գահակալության պլատինե հոբելյանը՝ 70-ամյակը։