Թուրքիան ձերբակալել է ուկրաինական հացահատիկ տեղափոխող ռուսական բեռնատար նավը

Թուրքիան ձերբակալել է ուկրաինական հացահատիկ տեղափոխող ռուսական բեռնատար նավը: 

«Նավն այժմ կանգնած է նավահանգստի մուտքի մոտ, այն կալանվել է Թուրքիայի մաքսային մարմինների կողմից»,- ասել է Թուրքիայում Ուկրաինայի դեսպան Վասիլի Բոդնարը։

Ավելի վաղ Ուկրաինան Թուրքիային խնդրել էր ձերբակալել հացահատիկով նավը, որը Ռուսաստանի դրոշի ներքո նավարկել է Բերդյանսկ նավահանգստից: 

Reuters-ի փոխանցմամբ՝ խոսքը «Ժիբեկ Ժոլի» նավի մասին է, որով Բերդյանսկից դուրս է բերվել Ուկրաինային պատկանող 4,5 հազար տոննա հացահատիկը։

Թուրքական Կարասու նավահանգստում մաքսային ներկայացուցիչը չի կարողացել հաստատել կամ հերքել ռուսական բեռնատար նավի կալանավորման մասին տեղեկությունը։