Ուրուգվայի Սենատը միաձայն Ադրբեջանին կոչ է անում ապահովել Լաչինի միջանցքով ազատ տեղաշարժը

Ուրուգվայի Սենատը միաձայն ընդունել է հայտարարություն՝ Ադրբեջանին կոչ անելով ապահովել Լաչինի միջանցքով ազատ տեղաշարժը: Այս մասին թվիթերյան էջում հաղորդագրություն է տարածել Հարավային Ամերիկայի Հայ ազգային խորհդի ներկայացուցչությունը:

Նշենք, որ արդեն 9-րդ օրն է` Ադրբեջանը փակել է Արցախը Հայաստանին եւ աշխարհին կապող միակ ճանապարհը: Արցախի 120 հազարանոց բնակչությունը, ներառյալ 30 հազար երեխա, գտնվում են շրջափակման մեջ։ Դադարեցվել է սննդամթերքի, դեղորայքի եւ առաջին անհրաժեշտության ապրանքների մատակարարումը։ Ծայրահեղ ծանր վիճակում գտնվող հիվանդներին չեն կարողանում տեղափոխել Հայաստան՝ բուժման համար։

Ադրբեջանի հանցավոր գործողությունների պատճառով Արցախը հայտնվել է հումանիտար ճգնաժամի շեմին։