«Հայկական կողմի մերժման մասին տեղեկացել ենք մամուլի հաղորդագրությունից. սա հարցեր է առաջացնում». Լավրով

Հայաստանին ուղղված հարցեր կան այն առնչությամբ, թե ինչպես են երկրի իշխանությունները հայտնել դեկտեմբերի 23-ին Մոսկվայում ՌԴ, Հայաստանի և Ադրբեջանի ԱԳ նախարարների եռակողմ հանդիպմանը մասնակցելուց հրաժարվելու մասին։ Այս մասին հայտարարել է ՌԴ ԱԳ նախարար Սերգեյ Լավրովը: Նրա խոսքով` Երևանը դիվանագիտական ուղիներ չի օգտագործել։

«Մենք, ինչպես դուք, այս մերժման մասին տեղեկացել ենք մամուլի հաղորդագրությունից։ Որևէ դիվանագիտական խողովակներ, որոնք սովորաբար ներգրավված են լինում նման դեպքերում, չեն օգտագործվել։ Սա հայկական կողմի որոշումն է»,- ասել է Լավրովը։

Նրա խոսքով` այն մեթոդը, որով Երևանը որոշել է մասնակիցներին տեղեկացնել հանդիպման չեղարկման մասին, «հարցեր է առաջացնում»։