Այս տարածաշրջանը մեզ է պատկանում՝ Ադրբեջանին, Հայաստանին և Վրաստանին. Ղարիբաշվիլի

Վրաստանն իսկապես չեզոք, օբյեկտիվ և անաչառ միջնորդ է հայ-ադրբեջանական հարաբերություններում: Նման հայտարարություն է արել Վրաստանի վարչապետ Իրակլի Ղարիբաշվիլին:

«Եռակողմ հանդիպումների կազմակերպումը բխում է մեր շահերից, որովհետև այս տարածաշրջանը պատկանում է մեզ՝ Ադրբեջանին, Հայաստանին և Վրաստանին»,- Դավոսի Համաշխարհային տնտեսական ֆորումի «Եվրասիական միջին միջանցք. ճանապարհից դեպի մայրուղի» թեմայով պանելային քննարկման ժամանակ ասել է Վրաստանի վարչապետը։

Նա նշել է, որ Վրաստանն իրապես չեզոք, օբյեկտիվ և անաչառ միջնորդ է հայ-ադրբեջանական հարաբերություններում և հավելել.  «Մենք իսկապես ցանկանում ենք այս տարածաշրջանը վերածել հնարավորությունների, խաղաղության, կայունության և բարգավաճման»: