Wildberries-ի հիմնադիրը` ռուս-հայկական նոր գործարար խորհրդի ղեկավար

Wildberries-ի հիմնադիր Տատյանա Բակալչուկը գլխավորում է ռուս-հայկական նոր գործարար խորհուրդը:Այս մասին տեղեկանում ենք Ռուսաստանի Առևտրաարդյունաբերական պալատի կայքից: 

Նշվում է, որ փետրվարի 8-ին Ռուսաստանի Առևտրաարդյունաբերական պալատում տեղի է ունեցել Ռուս-հայկական գործարար խորհրդի հիմնադիր ժողովը, որի ժամանակ անցկացվել է Տատյանա Բակալչուկի թեկնածության քվեարկությունը: Նրան միաձայն ընտրել են խորհրդի նախագահ։

Բակալչուկը ասել է, որ երկու երկրների միջև փոխգործակցությունն ակտիվ է ընթանում, և գործարար խորհրդին գործունեության լայն դաշտ է սպասվում։

«Այսուհետ ևս կամրապնդենք Ռուսաստանի և Հայաստանի գործարարների միջև բարեկամությունն ու համագործակցությունը», – ասել է նա։