Ռուսաստանը կպատասխանի կոնկրետ գործողություններով. Լավրով

Ռուսաստանը գործողություններով կպատասխանի անօդաչու թռչող սարքերի հարձակմանը, այլ ոչ թե կքննարկի՝ արդյոք դա պատերազմի պատրվա՞կ էր: Այս մասին ճեպազրույցի ժամանակ հայտարարել է ՌԴ արտգործնախարար Սերգեյ Լավրովը։

«Դա ակնհայտորեն թշնամական արարք էր, միանգամայն պարզ է, որ առանց տերերի իմացության Կիևի ահաբեկիչները չէին կարող դա կատարել: Մենք պատասխանելու ենք ոչ թե խոսակցություններով, այլ կոնկրետ գործողություններով: Մենք մեծ համբերություն ունենք. կա այսպիսի ասացվածք. «Ռուսները երկար են ձին թամբում»»,- ասել է Լավրովը։

Ինչպես տեղեկացել էինք, երկու անօդաչու թռչող սարքեր թիրախավորել են Կրեմլը: Ռադիոէլեկտորոնային պայքարի համակարգերի կիրառմամբ շարքից հանվել են Կրեմլին հարվածել փորձող անօդաչու սարքերը: