Ուկրաինայի զինված ուժերը մի քանի օր է սկսել են հակահարձակումը

Ուկրաինայի զինված ուժերի հակահարձակումը սկսվել է մի քանի օր առաջ, Rai 1 հեռուստաալիքի եթերում հայտարարել է Ուկրաինայի նախագահի գրասենյակի ղեկավարի խորհրդական Միխայիլ Պոդոլյակը։ 

«Հակահարձակումը մի քանի օր է մեկնարկել է։ Այս պատերազմը սահմանի երկայնքով ձգվել է 1,5 հազար կմ, սակայն առանձին գործողություններ արդեն սկսվել են», - նրա խոսքերը մեջբերում է ՏԱՍՍ-ը։ 

Պոդոլյակը նաև հավելել է, որ Ուկրաինան կօգտագործի Արևմուտքի կողմից մատակարարվող զենքը միայն այն տարածքներում, որոնք իրենն է համարում։

Նշենք, որ ավելի վաղ Ուկրաինայի ռազմական հետախուզության ղեկավար Կիրիլ Բուդանովը հայտարարել էր, որ Ուկրաինայի զինված ուժերը հակահարձակման համար անհրաժեշտ նվազագույն սպառազինություն ունեն։

Հիշեցնենք՝ մի քանի օր առաջ Ուկրաինայի ԶՈՒ դիվերսիոն-հետախուզական խումբը մտել է Բելգորոդի շրջան։