ԱՄՆ-ն կողմ է Սաուդյան Արաբիայում Ուկրաինայի հարցով գագաթնաժողովին․ կան հրաժարվողներ

ԱՄՆ պետքարտուղարության խոսնակ Մեթյու Միլլերը ճեպազրույցի ժամանակ հայտարարել է, որ ԱՄՆ-ն աջակցում է Սաուդյան Արաբիայում ուկրաինական հակամարտությունը լուծելու գագաթնաժողովին։ Սպասվում է, որ այս շաբաթ Ջիդդայում կկայանան բազմակողմ բանակցություններ՝ առանց Ռուսաստանի մասնակցության։ 

Միլլերը հաստատել է նաև, որ այս հանդիպմանը կլինեն ԱՄՆ իշխանությունների ներկայացուցիչներ։ Միաժամանակ նա հրաժարվել է հրապարակել այն երկրների ցանկը, որոնք հրավեր են ստացել ու համաձայնել մասնակցել։ 

Ավելի վաղ ԶԼՄ-ները հայտնել էին, որ նախագահ Ջո Բայդենի ազգային անվտանգության հարցերով խորհրդական Ջեյք Սալիվանը պետք է ԱՄՆ-ից մեկնի Սաուդյան Արաբիա։ 

Ընդ որում, արդեն իսկ կան հրաժարվողներ։ Մեքսիկայի նախագահ Անդրես Մանուել Լոպես Օբրադորը մամուլի ասուլիսում ասել է, որ առանց Ռուսաստանի իմաստ չունի մասնակցել բանակցություններին։