«Եթե ​​Ուկրաինան ցանկանում է բանակցություններ, պետք է չեղարկի այն արգելող հրամանագիրը». Պուտին

ՌԴ նախագահ Վլադիմիր Պուտինը Չինաստանի նախագահ Սի Ցզինպինի հետ երեք ժամ տևած բանակցություններից հետո լրագրողների հետ ճեպազրույց է ունեցել։ Պուտինն, ի թիվս այլ հարցերի, անդրադարձել է նաև ռուս-ուկրաինական պատերազմին և հնարավոր բանակցություններին։ 

Պուտինը, մասնավորապես, հայտարարել է. «Ուկրաինայում մտածում են բանակցային գործընթացի մասին․ սա տրանսֆորմացիա է ճիշտ ուղղությամբ, գովելի է, բայց բավարար չէ։ Եթե ​​Ուկրաինան ցանկանում է բանակցային գործընթաց, թատերական ժեստեր պետք չեն․ բանակցություններն արգելող հրամանագիրը պետք է չեղարկվի»։