Ամենածանր արյունալի հետևանքներն են սպասվում․ Մեդվեդևը Գազայում Իսրայելի ցամաքային գործողության մասին

Ռուսաստանի Անվտանգության խորհրդի փոխնախագահ Դմիտրի Մեդվեդևը կարծում է, որ Գազայի հատվածի տարածքում Իսրայելի ցամաքային գործողությունը տեղի կունենա և կհանգեցնի «ամենածանր արյունալի հետևանքներին»: Այս մասին նա գրել Է Telegram-ի իր ալիքում։ 

Մեդվեդևի կարծիքով՝ Իսրայելը հետաձգում է ցամաքային գործողության մեկնարկը, ամենայն հավանականությամբ, արևմտյան երկրների ճնշման ներքո, ինչպես նաև միջազգային հանրության զայրույթը հարուցելու մտավախությունից ելնելով։

«Գործողությունը տեղի կունենա, այն էլ ամենածանր արյունալի հետևանքներով։ Դաժանությունը միշտ նորանոր զոհեր է պահանջում, իսկ փոխադարձ բռնության մեքենան այժմ կաշխատի տարիներ շարունակ»,- գրել Է Մեդվեդեւը։

Դմիտրի Մեդվեդևը հավելել է, որ անհրաժեշտ է մերձավորարևելյան հակամարտությունը կարգավորել խաղաղ ճանապարհով՝ իրականացնելով ՄԱԿ-ի Անվտանգության խորհրդի 1967 թվականի նոյեմբերի 22-ի բանաձևը և Պաղեստինի բաժանման 1947 թվականի նոյեմբերի 29-ի ծրագիրը:

Դաշնության Անվտանգության խորհրդի փոխնախագահը նշւմ է, որ Արեւմուտքը շատ է հոգնել Ուկրաինայից և խանդավառությամբ աջակցում է Իսրայելին։ 

«Հարցերն, իհարկե, հռետորական են։ 
Ի վերջո, ԱՄՆ-ից հեռու ուրիշի պատերազմի համար գումար բաժանելը շատ ավելի հետաքրքիր է։ 
Պատերազմը պետք է շարունակվի…»,- եզրափակել է Մեդվեդևը։