«Բայդենի աշխատակազմը միջնորդ լինելու համար պետք է փոխի դիրքորոշումը». Հաջիև

«ԱՄՆ նախագահ Ջո Բայդենի վարչակազմի ղեկավարները պետք է այլ դիրքորոշում որդեգրեն, նախքան Սպիտակ տունը կկարողանա միջնորդական դեր խաղալ Ադրբեջանի և Հայաստանի միջև բարդ և ռազմավարական նշանակություն ունեցող խաղաղ բանակցություններում»․ հայտարարել է Ալիևի խորհրդական Հիքմեթ Հաջիևը:

Հաջիևը նախազգուշացրել է, որ տասնամյակներ շարունակվող Լեռնային Ղարաբաղի հակամարտության վերաբերյալ Ամերիկայի «միակողմանի դիրքորոշումը» անհանգստություն է առաջացրել Բաքվում․

«Մենք իսկապես ակնկալում ենք, որ Միացյալ Նահանգների կառավարության կողմից մի փոքր այլ վերաբերմունք լինի»,- ասել է Հաջիևը Newsweek-ին տված հարցազրույցում։