«Մուլյաժ» է․ ոստիկանապետը՝ ՔՊ գրասենյակի մոտ հայտնաբերվածի մասին

ՔՊ գրասենյակի մոտ հայտնաբերված պայթուցիկ սարք չի եղել, այլ՝ «մուլյաժ»։ Այն իրենից վտանգ չի ներկայացնում։ Այս մասին հայտնել է ոստիկանապետ Արամ Հովհաննիսյանը։

«Այն փորձել ենք վնասազերծել, սակայն իրենից բան չի ներկայացնում»,- նշել է նա։

Ինչպես արդեն տեղեկացրել ենք՝ այսօր՝ ժամը 13:40-ի սահմաններում, ՀՀ ներքին գործերի նախարարության ոստիկանության օպերատիվ կառավարման կենտրոն ահազանգ էր ստացվել, որ Գյուլբենկյան 30/3 շենքի բակում ռումբ է դրված և այն պայթելու է։ Նշված հասցեում է տեղակայված «Քաղաքացիական պայմանագիր» կուսակցության գրասենյակը։

Ժամանել էին նաև հրշեջ-փրկարարական և սակրավորական ջոկատներ:

Ավելի վաղ Auroranews-ի հետ զրույցում ՆԳՆ ոստիկանությունից հաստատել են, որ տվյալ հասցեում պայթուցիկի նմանվող իր է հայտնաբերվել։