Հարիսն առաջադրվելու համար բավարար ձայներ է ստացել․ ԶԼՄ

ԱՄՆ փոխնախագահ Քամալա Հարիսն ստացել է դեմոկրատական կուսակցության պատվիրակների բավարար թվով ձայները՝ պետության ղեկավարի պաշտոնի թեկնածու առաջադրվելու համար, հայտնում է Associated Press-ը՝ վկայակոչելով սեփական հարցմանը, որը, ըստ պարբերականի, պաշտոնական չէ և վերջնական չէ։ Գործակալության տվյալներով՝ Հարիսն ստացել է 2668 դեմոկրատ պատվիրակների աջակցությունը․ առաջադրման անհրաժեշտ քանակը 1976 է։ AP-ն նշում է, որ հարցումը պաշտոնական չէ, և դրա թվերը վերջնական չեն:

«ՌԻԱ Նովոստին» գրել է, որ Հարիսն ԱՄՆ-ում դեմոկրատական կուսակցության նախընտրական քարոզարշավը «ամերիկյան ոլորաններ» կոչվող ատրակցիոնի հետ է համեմատել։ «ԱՄՆ-ում դեմոկրատական կուսակցության նախընտրական քարոզարշավը «ամերիկյան ոլորաններն» է հիշեցնում։ Ես հասկանում եմ, քանի որ մենք բոլորս շատ խառը հույզերով ենք լցված»,- նշել է նա:

Հուլիսի 21-ին Բայդենը հայտարարել էր մրցապայքարից դուրս գալու մասին։ Դեմոկրատական ​​կուսակցության ներկայացուցիչները Բայդենին փոխարինող գտնելու անհրաժեշտության մասին սկսել էին խոսել ԱՄՆ նախագահի թեկնածու Դոնալդ Թրամփի հետ հեռուստաբանավեճում 81-ամյա նախագահի անհաջող ելույթից հետո։ CBS-ն հուլիսի 22-ին գրել էր, որ Հարիսը կարող է օգոստոսի 1-ին առաջադրվել Դեմոկրատական ​​կուսակցության նախագահի թեկնածու։ ԱՄՆ-ում նախագահական ընտրությունները կանցկացվեն 2024 թվականի նոյեմբերի 5-ին։