ՏԵՍԱՆՅՈՒԹ․ Ուղղաթիռը կոշտ վայրէջք է կատարել. կա զոհ և վիրավորներ․ Ղազախստան

Ղազախստանի պաշտպանության նախարարությանը պատկանող ՄԻ-8 ուղղաթիռը երկրի արևմուտքում կոշտ վայրէջք է կատարել: Այս մասին հայտնում է Ղազախստանի ԱԻՆ մամուլի ծառայությունը։

Ուղղաթիռում եղել են անձնակազմի 3 անդամները, նրանցից մեկը զոհվել է, երկուսը՝ տուժել:

«Նոյեմբերի 9-ին՝ ժամը 11:40-ին, ահազանգ է ստացվել Մարկուտսկի շրջանի Սարիժար գյուղի մոտակայքում ուղղաթիռի կոշտ վայրէջքի մասին: Դեպքի վայր են ուղարկվել արտակարգ իրավիճակների դեպարտամենտի ուժեր և միջոցներ՝ 5 միավոր տեխնիկա և անձնակազմի 23 մարդ», – նշվում է հաղորդագրության մեջ:

Դեպքի վայր ժամանած ԱԻՆ փրկարարները մարել են հրդեհը:

Տուժածներից երկուսը ՅԱԿ-40 ինքնաթիռով տեղափոխվել են Ակտոբե քաղաք՝ օդային պաշտպանության ուժերի ռազմական ինստիտուտ։