Տիգրան Քեոսայանը կլինիկական մահ է տարել և գտնվում է կոմայի մեջ

Ռուսական НТВ հեռուստաալիքի տնօրեն և հաղորդավար Տիգրան Քեոսայանը կլինիկական մահ է տարլ և այժմ գտնվում է կոմայի մեջ։ Այս մասին գրում է Meduza–ն:

Նշվում է, որ Քեոսայանը սրտի հետ կապված առողջական խնդիրներ է ունեցել:

Ինչպես հաղորդում է Baza թելեգրամյան ալիքը, Քեոսայանը հոսպիտալացվել է դեկտեմբերի վերջին։

Տիգրան Քեոսայանը 59 տարեկան է: Նա նկարահանել է մի քանի ֆիլմեր, այդ թվում՝ «Խեղճ Սաշան», «Նախագահը և նրա թոռնուհին», «Ղրիմի կամուրջը» և այլն: 2007 թվականից Քեոսայանն աշխատում է որպես հեռուստահաղորդավար։ 2016 թվականից նա НТВ հեռուստաալիքով վարում է «Միջազգային սղոցարան» քարոզչական շոուն։

2022 թվականից Քեոսայանը գտնվում է ԵՄ պատժամիջոցների ցուցակում՝ «ռուսական լրատվամիջոցներում հակաուկրաինական քարոզչություն տարածելու համար»։