Բելգիայում ժամանակավորապես փակել են ամբողջ երկրի օդային տարածքը

Բրյուսելի միջազգային օդանավակայանը հայտնել է ներկայումս Բելգիայի օդային տարածքում ցանկացած չվերթի իրականացման անհնարինության մասին:

«Օդային հաղորդակցության կառավարման հետ կապված տեխնիկական խնդրի պատճառով ամբողջ Բելգիայի տարածքում այս պահին օդային հաղորդակցություն հնարավոր չէ իրականացնել: Մենք չգիտենք, թե որքան կտևի այս իրավիճակը», - ասվում է օդանավակայանի հաղորդագրության մեջ:

Մի շարք լրատվամիջոցներ հայտնում են, որ թռիչքներ չեն կարող իրականացվել նաև Շարլերուայի, Անտվերպենի, Օստենդեի և Լիեժի օդանավակայաններում։