Լուկաշենկոն խոսել է Ուկրաինայից Պուտինին ուղղված գաղտնի զանգերի մասին

Mariam Z. 1 րոպե 886 դիտում

14.03.2025 20:01

Բելառուսի նախագահ Ալեքսանդր Լուկաշենկոն «Ռոսիա 1» հեռուստաալիքի համար հեռուստահաղորդավար Օլգա Սկաբեևայի հետ հարցազրույցում խոսել է Ուկրաինայից ՌԴ նախագահ Վլադիմիր Պուտինին ուղղված գաղտնի հեռախոսազանգերի մասին։

Լուկաշենկոն նշել է, որ Ուկրաինայում չկան կողմեր, որոնք կարող են համաձայնության գալ:

«Ես չեմ խոսի, թող խոսի Վլադիմիր Վլադիմիրովիչը»,- ասել է Լուկաշենկոն։

Նրա խոսքով, պայմանավորվածություն է եղել, որ այդ խոսակցությունները մասնավոր են լինելու, ուստի մանրամասներ չի կարող հայտնել։ Լուկաշենկոն առաջարկել է, որ Պուտինն ինքը կարող է դա անել։

«Դե, միգուցե Վլադիմիր Վլադիմիրովիչը ռիսկի դիմի և ասի, թե ով է զանգահարել», - հավելել է Լուկաշենկոն։