Օրերը կտաքանան․ Գագիկ Սուրենյան

Վաղվանից օրերը կտաքանան: Այս մասին Ֆեյսբուքում գրառում է արել  «Հիդրոօդերևութաբանության և մոնիթորինգի կենտրոն»-ի տնօրենի տեղակալ Գագիկ Սուրենյանը:

«Լեռներում զգալի ձյուն կուտակվեց, ցրտահարություններ չեղան, վաղվանից էլ օրերը կտաքանան։ Արտակարգ լավ վերջաբան»,– գրել է նա ֆեյսբուքյան էջում։

Ճանապարհային դեպարտամենտն էլ հայտնում է.

«Այս պահին թույլ ձյուն է տեղում Սարավանի լեռնանցքում, Սիսիանի, Աշոցքի, Ամասիայի, Դիլիջանի, Գավառի, Մարտունու, Արագածի, Տավուշի տարածաշրջաններում, իսկ Ստեփանավանի, Տաշիրի և Սևանի տարածաշրջաններում՝ ձնախառն անձրև։ Վարդենյաց լեռնանցքում բուք է»։