Նոր Նորքի վարչակազմում ծեծկռտուքի գործով խափանման միջոց է ընտրվել

Նոր Նորքի վարչական ղեկավար Տիգրան Տեր-Մարգարյանի, ակտիվիստ Արթուր Չախոյանի, ավագանու անդամ Մեսրոպ Մանուկյանի ու մյուս մեղադրյալների նկատմամբ կիրառվել է բացակայելու արգելք խափանման միջոցը: Այս մասին Radar Armenia-ին հայտնել են քննչական կոմիտեից։

Հիշեցնենք, որ Նոր Նորք շրջանի վարչական շենքում միջադեպեր էին տեղի ունեցել, ինչից հետո երկու քրեական վարույթ էր նախաձեռնվել։ Գործով կա 6 մեղադրյալ։ Նրանցից 4-ին մեղադրանք է առաջադրվել ֆիզիկական ներգործություն կատարելու վերաբերյալ հոդվածով, 2-ի նկատմամբ՝ խուլիգանության։