ԱՄՆ-ն այլևս միջնորդ չի լինի ՌԴ-ի և Ուկրաինայի միջև․ Պետդեպ

Միացյալ Նահանգներն այլևս չի պատրաստվում միջնորդի դեր ստանձնել Ռուսաստանի և Ուկրաինայի միջև բանակցություններում։ Եկել է կողմերի միջև ուղիղ բանակցությունների ժամանակը։ Այս մասին ճեպազրույցի ժամանակ հայտարարել է Պետդեպարտամենտի խոսնակ Թեմի Բրյուսը։

«Մենք միջնորդներ չենք լինի։ Մենք մի ակնթարթում չենք թռչի աշխարհի մյուս ծայրը հանդիպումներ վարելու համար։ Հիմա աշխատանքը պետք է կատարվի երկու կողմերի միջև», - ասել է նա։

ԱՄՆ-ն, այնուամենայնիվ, ջանքեր կգործադրի խաղաղություն հաստատելու ուղղությամբ, սակայն հակամարտության հանգուցալուծումն այժմ պահանջում է «կոնկրետ գաղափարներ» Մոսկվայից և Կիևից, ասել է Պետդեպարտամենտի խոսնակը։