Ռուսաստանը որևէ մեկից վրեժ լուծելու ցանկություն չունի. Լավրով

Ռուսաստանը չի ցանկանում վրեժ լուծել որևէ մեկից և չի վանում արևմտյան իր նախկին գործընկերներին։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը։

«Եվ մենք չունենք որևէ մեկից վրեժ լուծելու, մեր զայրույթը որևէ մեկի վրա թափելու ցանկություն։ Ընդհանուր առմամբ, մենք կարծում ենք, որ զայրույթը վատ խորհրդատու է, և վրեժխնդրության ցանկությունը՝ վատ խորհրդատու», - նշել է նա։

Նախարարի խոսքով, եթե նախկին արևմտյան գործընկերները խելքի գան և ցանկանան վերադառնալ Ռուսաստան աշխատելու, նրանց այստեղ չեն վանի։ Սակայն իշխանությունները հաշվի կառնեն, որ վերջին անգամ նրանք հեռացել են «քաղաքական ղեկավարության հրամանով»։