Հայտնի է՝ ում են առաջադրել Փարաքարի համայնքապետի պաշտոնում

Փարաքարի համայնքապետ Վալոդյա Գրիգորյանի ողբերգական մահից հետո «Ապրելու երկիր» խմբակցությունը համայնքի ղեկավարի պաշտոնում կառաջադրի Օնիկ Հախվերդյանի թեկնածությունը։ Այս մասին գրել է «Փաստ» օրաթերթը:

«Նա ինչպես 2025 թվականի, այնպես էլ 2021 թվականի ընտրություններում եղել է ցուցակի 2-րդ համարը։ Մեր տեղեկություններով` Օնիկ Հախվերդյանն ունի կառավարման մեծ փորձ, տիրապետում է համայնքի խնդիրներին, և, ամենայն հավանականությամբ, հենց նա էլ կընտրվի Փարաքար համայնքի ղեկավար»,– հայտնել է օրաթերթը։

Փարաքար համայնքի նոր ղեկավարի ընտրությունները կկայանան հոկտեմբերի 7-ին։