Եղել եմ «գենդեր փարթիների», վատ չի անցել. Ռուբինյան

ԱԺ փոխնախագահ, ՔՊ-ական Ռուբեն Ռուբինյանը երբեք չի հասկացել «գենդեր փարթի» անելու իմաստը։ Այս մասին ՔՊ-ական Վահագն Ալեքսանյանի հետ սկսած «Ամբիոն» փոդքասթի ժամանակ ասել է Ռուբինյանը։

«Ինձ համար միշտ ավելի հոգևոր է եղել, երբ կինն իմանում է երեխայի սեռն ու ամուսնուն առանձին ասում է, դա ավելի խորը ծես է ինձ համար, չնայած՝ եղել եմ «գենդեր փարթիների», վատ չի անցել»,- ասել է նա:

Ըստ ԱԺ փոխնախագահի՝ կանայք են հիմնականում ուզում «գենդեր փարթի» անել։

«Կանանց առիթ է պետք առիթ կազմակերպելու համար։ Իրականում, թող շատ լինեն «գենդեր փարթիները», միայն թե շատ երեխաներ ծնվեն Հայաստանում, դա մեզ պետք է, բայց բնությանը վնաս պետք չի տալ»,- ասել է Ռուբինյանն՝ անդրադառնալով Շաքիի ջրվեժում «գենդեր փարթիի» շուրջ ստեղծված աղմուկին։