Վթար Մարգարա-Վանաձոր-Տաշիր ավտոճանապարհին․ պատճառը՝ քարուքանդ ճանապարհն է

Այսօր խոշոր ավտովթար է տեղի ունեցել Արագածոտնի մարզում: Ժամը 08:20-ի սահմաններում Արմավիրի մարզի բնակիչ, 24-ամյա Արա Մաթևոսյանը իր վարած Mercedes ML մակնիշի ավտոմեքենայով Մարգարա-Վանաձոր-Տաշիր ավտոճանապարհի 80-րդ կմ հատվածում՝ Ռյա Թազա գյուղի վարչական տարածքում, դուրս է եկել ճանապարհի երթևեկելի գոտուց և բախվել ժայռաբեկորներին: Ինչպես հայտնում է ֆոտոլրագրող Գագիկ Շամշյանը, վթարի հետևանքով ավտոմեքենայի ուղևոր, Ստեփանավան քաղաքի բնակիչ, 27-ամյա Ելենա Սաքանյանը մարմնական վնասվածքներով տեղափոխվել է Ապարանի բժշկական կենտրոն: Ֆոտոլրագրողը հայտնում է, որ ճանապարհը եղել է անցանելի, սակայն վթարի հիմնական պատճառը քարուքանդ ճանապարհն է։ Լուսանկարները՝ Կարեն Գրիգորյանի