ԼՈՒՍԱՆԿԱՐ. Ford-ը տապալել է էլեկտրասյունն ու կողաշրջվել

Այսօր՝ ապրիլի 7-ին, խոշոր ավտովթար է տեղի ունեցել Լոռու մարզում: Ժամը 08:20-ի սահմաններում Վանաձոր քաղաքի Բաղրամյան պողոտայում Ford մակնիշի ավտոմեքենան, կորցնելով կառավարումը, բախվել է ճամփեզրի էլեկտրասյանն ու տապալել այն: Այս մասին տեղեկանում ենք shamshyan. com-ից: Ինչպես հայտնում է ֆոտոլրագրող Գագիկ Շամշյանը, բախման արդյունքում Ford-ը կողաշրջվել է: Վթարի հետևանքով, ըստ նախնական տեղեկությունների, բարեբախտաբար զոհեր և վիրավորներ չկան: Ֆոտոլրագրողը հայտնում է, որ էլեկտրասյան տապապելու հետևանքով վնասվել են հոսանքալարերն ու կապի հաղորդալարերը: