Վրաստանն առաջարկել է ռուսների համար Երևանից, Բաքվից և Տրապիզոնից ուղևորափոխադրումներ կատարել

Վրաստանի ռեստորանների և հյուրանոցների ասոցիացիայի ղեկավար Շալվա Ալավերդաշվիլին Առաջին ալիքի եթերում պատմել է նախաձեռնության մասին, որով առաջարկվում է Բաքվի, Երևանի և  Տրապիզոն քաղաքների օդանավակայաններից գործարկել անվճար ավտոբուսներ ռուս զբոսաշրջիկների համար՝ Թբիլիսիի հետ օդային հաղորդակցությունը չեղարկելու Մոսկվայի որոշումից հետո:

«Փաստաթղթի հիմնական թեման հետևյալն է. առաջարկվում է Բաքվի, Երևանի և  Տրապիզոն քաղաքների օդանավակայաններից գործարկել անվճար ավտոբուսներ ռուս զբոսաշրջիկների համար», — մանրամասնել է նա:

Նրա խոսքով՝ նախաձեռնությունը ներկայացվել է երկրի էկոնոմիկայի նախարարությանը: Նշվում է, որ քննարկմանը կմիանա նաև Վրաստանի ԱԳՆ-ն: