Թրամփը Ջոն Բոլթոնին հեռացրել է աշխատանքից․ մանրամասներ

ԱՄՆ նախագահ Դոնալդ Թրամփը հայտնել է, որ հեռացնում է Ջոն Բոլթոնին իր ազգային անվտանգության հարցերով խորհրդականի պաշտոնից:

Այս մասին Թրամփը գրել է «Թվիթեր»-ի իր միկրոբլոգում:

«Երեկ երեկոյան ես Ջոն Բոլթոնին հայտնել եմ, որ իր ծառայությունները Սպիտակ տանն այլևս անհրաժեշտ չեն: Ես կտրականապես համաձայն չեմ նրա մի շարք առաջարկների հետ: Այդ պատճառով ես խնդրեցի նրան հրաժարական ներկայացնել, ինչն էլ նա արել է այսօր առավոտյան»,- գրել է Թրամփը:

Ինքը՝ Բոլթոնը, Twitter-ում գրել է, որ երեկ երեկոյան ինքն է իր հրաժարականն առաջարկել նախագահին, իսկ Թրամփն ասել է. «Արի դա վաղը քննարկենք»: