Շաուրմա, փարդա, քաբաբ, գառան աղիք. սոցապ փոխնախարարի «մենյու» հիշեցնող բանաստեղծությունը

Համացանցում քննարկման թեմա է դարձել ՀՀ աշխատանքի և սոցիալական հարցերի փոխնախարար Գեմաֆին Գասպարյանի՝ «մենյու» հիշեցնող բանաստեղծությունը՝ նվիրված շաուրմային, քաբաբին, գառան աղիքին և այլ ուտեստներին: 

Հայելի.am-ից տեղեկանում ենք, որ բանաստեղծությունը հրապարակվել է փոխնախարարի «Չկա՝ չկա» գրքում: 

Նշենք, որ «Չկա՝ չկա»-ն Գասպարյանի առաջին գիրքն է, որը գրել է շուրջ հինգ տարի: Գրքում տեղ գտած ստեղծագործությունները հեղինակը համարում է տարբեր տարիների մտորումների կոնցեպտ: Դրանցում տեղ գտած մտքերն առօրյա կյանքի վայրիվերումներն են՝ լի տարբեր իրավիճակներով: Տեքստը գրված է հասկանալի լեզվով, սակայն, ըստ Գասպարյանի, կան նաեւ այնպիսինները, որոնք պարունակում են ընթերցանական որոշ բարդություններ: