Անձնական երաշխավորությամբ Քոչարյանին ազատելու միջնորդությունը չքննվեց

Ռոբերտ Քոչարյանի պաշտպանական խումբն այսօրվա դատական նիստին մտադիր էր միջնորդել փոխել Քոչարյանի կալանքն անձնական երաշխավորությամբ։ 
Պաշտպանները դատարանին խնդրեցին այս շաբաթ ևս մեկ նիստ նշանակել, որպեսզի նախքան դատավորի արձակուրդ գնալն այդ հարցը քննվի։ 

Նշենք որ դատավոր Դանիբեկյանն այսօր ասաց որ դեկտեմբերի 10-30-ը արձակուրդ է գնալու։ Դատավորն առաջարկեց ներկայացնել միջնորդությունը հիմա։ 
Պաշտպան Ալումյանն ասաց, որ դա տեխնիկապես հնարավոր չէ՝ պայմանավորված երաշխավորների՝ այսօր դատարան ներկայանալու անհնարինությամբ։ Դատավորն ասաց, որ ծանրաբեռնվածության պատճառով չի կարող այս շաբաթ ևս մեկ նիստ նշանակել։ 

Պաշտպանները հետաձգեցին միջնորդության ներկայացումը։