Ձեր հին ձևերը բախվելու են օրինականությանը. Սուրեն Պապիկյան

ՀՀ պաշտպանության նախարար Սուրեն Պապիկյանը սոցցանցի իր էջում անդրադարձել է «Մեր ձևով»-ի կողմից ընտրակաշառք բաժանելու Հակակոռուպցիոն կոմիտեի հրապարակմանը: 

«Ձեր հին ձևերը բախվելու են Իրական Հայաստանի պետական ինստիտուտների հետևողական աշխատանքին և հաստատված օրինականությանը. պետության համը ձեզ վստահաբար դուր չի գա»,- գրել է Պապիկյանը:

Ավելի վաղ հայտնել էինք, որ «Ուժեղ Հայաստան»-ի օգտին ընտրակաշառքի դեպք է բացահայտվել: Ուժեղ Հայաստան» կուսակցության խոսնակ Մարիաննա Ղահրամանյանը գրառմամբ հայտնել էր. ««Ուժեղ Հայաստան»-ը իր գործունեությունը ծավալում է Սահմանադրության և օրենքի շրջանակներում։ Իշխանությունների ձեռքին գործիք դարձած իրավապահների նկարած անհաջող ֆիլմը  և մոնտաժված ձայնագրությունը հայտնի ձեռագիր է»։