Ուզում էի հորս գերեզմանին այցելել, չթողեցին․ Խաչատուրով

Այսօր «Մարտի 1»-ի գործով դատավարության ժամանակ հայտարարեց ՀԱՊԿ նախկին գլխավոր քարտուղար Յուրի Խաչատուրովը` նշելով, որ իրեն թույլ չեն տվել հատել հայ-վրացական սահմանը։

Սահմանի ոստիկանն ինձ ասաց. «Ես ձեզ շատ եմ հարգում, բայց չեմ կարող թույլ տալ»: Ես ընդամենը ցանկանում էի գերեզմանոց այցելել։ Հորս, մորս և կրտսեր եղբորս շիրիմները սահմանից ընդամենը 3-4 ժամ հեռավորության վրա են»,– ասաց Խաչատուրովը։

Հիշեցնենք՝ Խաչատուրովի պաշտպանը դատարանին միջնորդել էր վերացնել իր պաշտպանյալի նկատմամբ կիրառված սահմանը հատելու արգելքը, սակայն միջնորդությունը քննարկելուց հետո դատավոր Աննա Դանիբեկյանը մերժեց այն։