Տերմինալից կատարած գողությունը բացահայտվել է

Հոկտեմբերի 25-ին ոստիկանությունում հաղորդում էր ստացվել, որ Թաիրով համայնքի Մայրաքաղաքային փողոցի մթերային խանութի դիմացի վճարային տերմինալից գումար են գողացել։

Ոստիկանության լրատվական ծառայությունից հայտնում են, որ Վաղարշապատի բաժնի ծառայողների ձեռնարկած օպերատիվ-հետախուզական միջոցառումներով և կատարված քննությամբ պարզվել է, որ նշված գողությունը կատարել է Երևանի 33-ամյա մի բնակիչ։ Նա դեկտեմբերի 17-ին ներկայացվել է Վաղարշապատի քննչական բաժին:

Նախաքննությունը շարունակվում է: