Այս օրինագիծը կնպաստի տեղական ու օտարերկրյա ներդրումների հոսքին. Թունյան

Ազգային ժողովի տնտեսական հարցերի մշտական հանձնաժողովի նախագահ, «Իմ քայլը» խմբակցության անդամ Բաբկեն Թունյանը ֆեյսբուքյան իր էջում գրառում է կատարել.

«Տնտեսական հարցերի մշտական հանձնաժողովը այսօր երկրորդ ընթերցումից առաջ դրական եզրակացություն տվեց իմ, Արտակ Մանուկյանի և Վարազդատ Կարապետյանի նախաձեռնությանը։

Հիշեցնեմ, որ առաջարկել ենք եկամտային հարկից ազատել մասնավոր ընկերությունների կողմից թողարկված պարտատոմսերից ստացված եկամուտը, դիվիդենտի հարկից ազատել ցուցակված ընկերությունների բաժնետոմսերը և ԱԱՀ-ից ազատել բորսայում միջնորդական ծառայությունները։

Համոզված եմ, որ այս օրինագիծը (եթե ԱԺ-ի կողմից երկրորդ ընթերցմամբ հաստատվի) կակտիվացնի արժեթղթերի շուկան և կնպաստի տեղական ու օտարերկրյա ներդրումների հոսքին»,- նշել է նա։