Հարց ուղղում եմ կրթության, գիտության… պարո՛ն Հարությունյան, Ձեզ․ Մանե Թանդիլյան

Կառավարության հետ հարցուպատասխանի ժամանակ ԿԳՄՍ նախարարին հարց ուղղելիս ԼՀԿ պատգամավոր Մանե Թանդիլյանը մոռացավ նախարարության բաղադրիչների, նախարարի պաշտոնի ամբողջական անվանումը։

«Հարց ուղղում եմ կրթության, գիտության… պարո՛ն Հարությունյան, Ձեզ»,- ասաց Թանդիլյանը՝ դահլիճում ծիծաղի առիթ տալով։

Նրա հարցը վերաբերում էր երրորդ խմբի հաշմանդամներին անվճար կրթությամբ ապահովելու նախագծին։ Թանդիլյանն ասաց, որ նախագիծն անցել է առաջին ընթերցմամբ, բայց երկրորդ ընթերցման ժամանակ չի անցել։ Պատճառը եղել է կառավարության ներկայացուցչի խոստումը, որ այլ համապատասխան օրենք է ներկայացվելու։

Նախարար Արայիկ Հարությունյանն ասաց, որ նախագծի ծավալներն այնքան մեծ են եղել, որ նոր են ուղարկելու Ազգային ժողով։