Ստացվող նվերները հաստատել ավագանու որոշումով․ ԼՀԿ նախագիծը՝ համայնքների մասին

Երևանի քաղաքապետարանի նվեր ստացած «Կամազների» խնդրից հետո արդեն երկրորդ օրինագիծն է ներկայացվում ԱԺ։ ԼՀԿ խմբակցությունն առաջարկում է համայնքների օգտին կատարվող նվիրատվությունները, եթե դրանք գերազանցում են 1 միլիոն դրամը, հաստատել ավագանու որոշումով։

ԱԺ ամբիոնից այդ նախագիծը ներկայացնելիս ԼՀԿ պատգամավոր Անի Սամսոնյանն ասաց, որ նախկինում Երևանի քաղաքապետարանում գործել է նման պրակտիկա, սակայն 2018 թվականից այն չարաշահվել է։ Նա նշեց, որ իրենք շեմ են սահմանել, որպեսզի ավագանին ամբողջ օրը ստիպված չլինի այդպիսի նախագծեր հաստատել։

Ինչ վերաբերում է անանուն մնալուն, Սամսոնյանն ասաց, որ 1 միլիոն դրամից ավելի նվիրատվություն անողների նվիրատվությունները պետք է բացահայտ լինեն, քանի որ քննարկվելու են ավագանու նիստում։