Հրամանագիրը կլինի, այն ժամանակ կխոսենք․ Ջալալ Հարությունյանը՝ ՊԲ հրամանատար դառնալու մասին

Մինչեւ վերջնական որոշում չլինի, ես չեմ կարող որեւէ բան ասել։ Այս մասին այսօր՝ փետրվարի 19-ին, NEWS.am-ի հետ զրույցում ասել է Արցախի պաշտպանության բանակի հրամանատարի առաջին տեղակալ-շտաբի պետ Ջալալ Հարությունյանը:

«Ես չգիտեմ, կլինեն հայտարարությունները, հրամանագիրը, այն ժամանակ կխոսենք, ի՞նչ ասեմ առանց հրամանագրի։ Մինչեւ վերջնական որոշում չլինի, ես չեմ կարող որեւէ բան ասել»,- լրատվականի հետ զրույցում նշել է նա։

Ջալալ Հարությունյանն ասել է, որ առաջարկ չի եղել, իսկ եթե լինի՝ կմտածի․ «Առայժմ չի եղել, որ չի եղել, ես ի՞նչ ասեմ, լինի՝ կմտածենք: Այն, ինչ նշվել է Գլխավոր շտաբի պետի կողմից, ես ավելացնելու բան չունեմ։ Հստակ նշվել է ուղիներ, ուրիշ ի՞նչ ավելացնեմ»։

Նշենք, որ մամուլում տեղեկություն կա, որ ՊԲ հրամանատար Կարեն Աբրահամյանը կազատվի ՊԲ հրամանատարի պաշտոնից եւ նրան կփոխարինի Ջալալ Հարությունյանը։