Արագածոտնի Կաքավաձոր համայնքում կորոնավիրուսով վարակված քաղաքացին մասնակցել է ծննդյան տարեդարձի

Արագածոտնի մարզի Կաքավաձոր համայնքում օրերս ծննդյան տարեդարձ է նշվել, որին մասնակցել է կորոնավիրուսով վարակված 50-ամյա տղամարդ: Այս մասին գրում է news.am-ը` հղում անելով Կաքավաձորի համայնքապետ Հայկ Բաղդասարյանին: 

«50-ամյա տղամարդն իրենց փեսան է եղել, Խանջյան գյուղից է եղել, դիալեզ ստանալիս է վարակվել, թեստավորվել է, և այսօր է հաստատվել, որ կորոնավիրուսով է վարակված: Կաքավաձորում մասնակցել է ծննդյան տարեդարձի, բայց քիչ մարդ է եղել, տան անդամներով»,- ասաց նա: 

Ընտանիքը մեկուսացված է, գյուղում առայժմ այլ դեպք չկա: