Մաստարա գյուղում գրանցել է կորոնավիրուսով վարակվածության առաջին դեպքը

Արագածոտնի մարզի Մաստարա գյուղում գրանցել է կորոնավիրուսով  վարակվածության առաջին դեպքը: Այս մասին  NEWS.am-ի հետ զրույցում ասաց Մաստարայի գյուղապետ Սարգիս Ավետիսյանը: 

«Վարակվածը մոտ  50 տարեկան  կին է: Գնացել է Մարալիկ իր ծնողներ տուն, ու վարակված հետ է եկել: Հստակ չգիտեմ, բայց ասում են` հուղարկավորության է մասնակցել»,- ասաց նա: 

Նա նշեց, որ վարակված կինը ամուսնու հետ է ապրում, երեխաները արտերկրում են բնակվում, շատ շփում չի ունեցել մի հարեւանի հետ է շփվել, որը միայնակ է ապրում: 

«Ամուսինն ու հարեւանը այս պահին մեկուսացված են, իրեն էլ Երեւան են տտեղափոխել, բայց վիճակը լավ է»,-ասաց նա: